როგორც „ინტერპრესნიუსს“ ევროკავშირის სადამკვირვებლო მისიიდან აცნობეს, გასული კვირების განმავლობაში, ევროკავშირის სადამკვირვებლო მისიამ, ოთხივე რეგიონალურ ოფისში, ევროკავშირის დღე საზოგადოებასთან ურთიერთობაზე მიმართული საინტერესო ღონისძიებებით, კონფერენციებით და პრეზენტაციებით აღნიშნა.
9 მაისს სასტუმრო „ქორთიარდ მარიოტში“ გამოიფინება ბავშვების ნამუშევრები, თემაზე: „ჩემი სახლი ფოტოსურათებში“.
თბილისის, გორის, ხაშურის და ზუგდიდის რეგიონალურ ოფისებთან მდებარე რაიონების მოშორებულ სოფლებსა და პატარა ქალაქებში მცხოვრებ ბავშვებს მისიის დამკვირვებლებმა დაარიგეს ერთჯერადი გამოყენების ფოტოაპარატები და ბავშვებს მათი სახლის, ყოველდღიური ცხოვრების, ოჯახისა და სკოლის ფოტოების გადაღება სთხოვეს. თემის საუკეთესოდ ამსახველი ნამუშევრები დღეს გამოიფინება.
საინფორმაციო სააგენტო
"ინტერპრესნიუსი"
