ფარავნის მიმდებარე ტერიტორიაზე მკაცრი კლიმატური პირობებია და მხოლოდ ეს ჯიში ხარობს.
სამცხე-ჯავახეთის რეგიონს გარემოს დაცვისა და ბუნებრივი რესურსების მინისტრი გოგა ხაჩიძე სტუმრობდა. მან დაბა ფოკაში ფარავნის ტბის მიმდებარე ტერიტორია დაათვალიერა, სადაც ფიჭვის ტყე უნდა გაშენდეს.
ტყის კორომის გაშენება სექტემბრის თვის მეორე ნახევარში დაიწყება, ოქტომბრის ბოლომდე ტბის შემოგარენში 5000 ძირი კავკასიური ფიჭვი დაირგვება. განაშენიანების აქციაში, სამინისტროს სანერგე მეურნეობის თანამშრომლებთან ერთად, ადგილობრივი მოსახლეობაც ჩაერთვება და ტყის მოვლა-პატრონობაზეც თავად იზრუნებენ.
საინფორმაციო სააგენტო"ინტერპრესნიუსი"
