ამასთან დაკავშირებით ცვლილება "საავტომობილო ტრანსპორტის შესახებ" კანონში შედის.
კანონპროექტის თანახმად, ავტოსატრანსპორტო საშუალების მართვის უფლების მიღებისთვის სავალდებულო აღარ იქნება ჯანმრთელობის მდგომარეობის დამადასტურებელი ცნობის წარდგენა იმ შემთხვევაში, თუ დაინტერესებული პირი შინაგან საქმეთა სამინისტროს მომსახურების სააგენტოში გაივლის შსს მინისტრის ბრძანებით განსაზღვრულ ჯანმრთელობის მდგომარეობის დამდგენ ტესტირებას.
შესაბამისად, მართვის უფლების აღებით დაინტერესებულ პირებს დამატებით აღარ მოუწევთ ჯანმრთელობის ცნობის აღებისთვის დაწესებული საფასურის გადახდა, რაც კანონპროექტის ავტორების აზრით, გარკვეულწილად მათ სახსრებს დაზოგავს.
კანონპროექტის ავტორები და ინიციატორები დეპუტატები ლაშა თორდია და ზვიად კუკავა არიან. კანონპროექტი საპარლამენტო კომიტეტებს ჯერჯერობით არ განუხილავთ.
საინფორმაციო სააგენტო"ინტერპრესნიუსი"
