ჯანდაცვის მინისტრი H1N1 ვირუსის გამო საზღვრების დაკეტვას და კარანტინის გამოცხადებას საჭიროდ არ მიიჩნევს.
ჯანდაცვის მინისტრმა, ალექსანდრე კვიტაშვილმა კომენტარი გააკეთა პარლამენტარ ჯონდო ბაღათურიას განცხადებაზე, რომელმაც უკრაინასთან საკარანტინო რეჟიმის შემოღება მოითხოვა.
“ბაღათურია კი ექსპერტი არ არის და რამდენადაც ჩემთვის ცნობილია, ეპიდემიოლოგიის შესახებ განათლება არ აქვს",-აღნიშნა მინისტრმა. კვიტაშვილის თქმით, საზღვრების დაკეტვა და კარანტინის გამოცხადება ქვეყანაში ვირუსის გავრცელების პრობლემას ვერ მოაგვარებს, რადგან საქართველოში ოფიციალურად უკვე 65-ზე მეტი შემთხვევაა დაფიქსირებული და მომავალშიც მატებაა მოსალოდნელი.
როგორც მინისტრმა აღნიშნა, ქვეყანაში სამკურნალო პრეპარატების, ნიღბებისა და სხვა საჭირო საშუალებების მარაგი არსებობს. მან მოსახლეობას მოუწოდა, შეინარჩუნონ სიმშვიდე და არ აყვნენ პანიკას.
საინფორმაციო სააგენტო"ინტერპრესნიუსი"
