ხელისუფლება საპენსიო ამნისტიას გეგმავს. შესაბამისი საკანონმდებლო წინადადება პარლამენტის ბიუროს დღევანდელ სხდომაზე იქნება ინიცირებული . ინიციატივა საპარლამენტო უმრავლესობას ეკუთვნის, რაზეც მთავრობამ თანხმობა განაცხადა. კანონპროექტის თანახმად, საბუთების არასწორად წარდგენის შედეგად, აქამდე დარიცხული პენსია უკან აღარ დაბრუნდება.

როგორც "ინტერპრესნიუსს" მთავრობის საპარლამენტო მდივანმა გია ხუროშვილმა განუცხადა, აღნიშნული გადაწყვეტილება ერთჯერადი ღონისძიებაა. ხუროშვილმა მოუწოდა პენსიონერებს, რომ პენსიის დანიშვნის დროს ობიექტური მონაცემები წარადგინონ, რათა გაუგებრობები მომავალში აღარ განმეორდეს და თავიდან იყოს აცილებული პენსიის უკან დაბრუნების აუცილებლობა.

interpressnews