ძიუდოში ქართველმა ოლიმპიურმა ჩემპიონმა ირაკლი ცირეკიძემ ტოკიოში გამართულ დიდ სლემზე ბრინჯაოს მედალი მოიპოვა. იგი პერსონალურად იყო მიწვეული იაპონიის დედაქალაქში.

100 კილოგრამამდე წონით კატეგორიაში მოჭიდავე ქუთაისელმა ძიუდოისტმა იპონებით დაამარცხა პირველი ორი მეტოქე (არგენტინელი და იაპონელი), შემდეგ კი უზბეკ მოწინააღმდეგეს მოუგო და ნახევარფინალში გავიდა, თუმც ბოლო ორთაბრძოლაში მიღებული ტრავმის გამო ჩემპიონობისთვის ბრძოლის გაგრძელება ვერ შეძლო და ავტომატურად დასჯერდა ბრინჯაოს მედალს.

საქართველოს სპორტისა და ახალგაზრდობის საქმეთა სამინისტროს
პრესსამსახური